АҚШ томонидан коррупцияда шубҳа қилинаётган ФИФА вице-президенти, Шимолий ҳамда Марказий Америка ва Кариб денгизи мамлакатлари футбол конфедерациясининг (КОНКАКАФ) собиқ раҳбари Жеффри Уэбб ватани Кайман оролларида ҳам фирибгарликда айбланди: Буюк Британиянинг денгиз ортидаги ҳудуди бўлмиш орол маъмурлари амалдорни қамоққа олиш учун ордер берди. Бу ҳақда Sky Sports’га таяниб, «ТАСС» хабар бермоқда.
Уэбб Швейцариянинг Цюрих шаҳрида 27 май куни маҳаллий полиция томонидан АҚШ сўровига кўра қўлга олинган ФИФАнинг 7 нафар амалдори орасида эди. Кайман оролларида у ишончни суиистеъмол қилиш ва мулкни ноқонуний ўзлаштиришда айбланмоқда.
Уэбб 2012 йилда КОНКАКАФ президенти этиб сайланган. Цюрихда ҳибсга олингач, ташкилот ижроия қўмитаси уни ишдан четлатди.
Изоҳ (0)