Avstraliyada AQSh bilan hamkorlikda “Shamshir tumori” (Talisman Saber) nomi ostida keng miqyosli harbiy mashg‘ulotlar boshlandi. “TASS” xabariga ko‘ra, mashqlarda Yaponiya armiyasining 40, Yangi Zelandiyaning 500 nafar harbiy xizmatchisi ishtirok etmoqda.
Umumiy hisobda harbiy mashg‘ulotlarga 30 ming kishi jalb etilgan bo‘lib, ular orasida harbiy-dengiz kuchlari, harbiy-havo kuchlari va quruqlikdagi qo‘shinlarning vakillari bor.
21-iyulga qadar davom etadigan mashg‘ulotlardan ko‘zlangan maqsad — dengiz, quruqlik va havodagi qo‘shma harakatlar uyg‘unligini yanada takomillashtirishdan iborat.
Kyodo agentligi xabariga ko‘ra, 2005-yildan beri har ikki yilda bir tashkil etiladigan mazkur mashg‘ulotlarda ilk bor ishtirok etayotgan Yaponiya quruqlikdagi qo‘shinlarda xizmat qiladigan harbiy xizmatchilar bilan ishtirok etmoqda.
“Shamshir tumori” doirasida yaponiyalik harbiylar amerikalik hamkasblari bilan desant bo‘lib tushish ko‘nikmalarini oshiradi, shuningdek, otishmalar uyushtiradi.
Izoh (0)