Австралияда АҚШ билан ҳамкорликда «Шамшир тумори» (Talisman Saber) номи остида кенг миқёсли ҳарбий машғулотлар бошланди. «ТАСС» хабарига кўра, машқларда Япония армиясининг 40, Янги Зеландиянинг 500 нафар ҳарбий хизматчиси иштирок этмоқда.
Умумий ҳисобда ҳарбий машғулотларга 30 минг киши жалб этилган бўлиб, улар орасида ҳарбий-денгиз кучлари, ҳарбий-ҳаво кучлари ва қуруқликдаги қўшинларнинг вакиллари бор.
21 июлга қадар давом этадиган машғулотлардан кўзланган мақсад — денгиз, қуруқлик ва ҳаводаги қўшма ҳаракатлар уйғунлигини янада такомиллаштиришдан иборат.
Kyodo агентлиги хабарига кўра, 2005 йилдан бери ҳар икки йилда бир ташкил этиладиган мазкур машғулотларда илк бор иштирок этаётган Япония қуруқликдаги қўшинларда хизмат қиладиган ҳарбий хизматчилар билан иштирок этмоқда.
«Шамшир тумори» доирасида япониялик ҳарбийлар америкалик ҳамкасблари билан десант бўлиб тушиш кўникмаларини оширади, шунингдек, отишмалар уюштиради.
Изоҳ (0)