Gretsiya poytaxtida namoyishchilar va politsiya o‘rtasida to‘qnashuv bo‘lib o‘tdi (foto)

Gretsiya poytaxti Afina shahrida xalqaro kreditorlarning taklifini qo‘llab-quvvatlovchilar va ularga qarshi chiqqanlar o‘rtasida aksiya o‘tkazilmoqda, deb xabar beradi “RBK”.

3-iyul kuni Konstitutsiya maydoni markazidagi miting to‘qnashuv bilan yakunlandi. Tartib posbonlari namoyishchilarga qarshi kuch ishlatishga majbur bo‘ldi.

Yevrokomissiya, Yevropa Markaziy Banki va Xalqaro valyuta jamg‘armasi Gretsiyaga hozirgi vaqtda qiymati 300 milliard dollardan oshib ketgan qarzni ijtimoiy to‘lovlarni kamaytirib, soliqlarni oshirish yo‘li bilan qaytarishni taklif qilgandi. 5-iyul kuni shu masala yuzasidan referendum bo‘lib o‘tadi.

Eslatib o‘tamiz, 3-iyul, juma kuni Yevropa moliyaviy barqarorlik jamg‘armasi Gretsiyani bankrot deb e’lon qilgandi.