AQShda bir necha aviahalokatlar yuz berdi

AQShning Karlsbad shahrida reklama banneri o‘rnatilgan samolyot sohilbo‘yiga favqulodda qo‘nishni amalga oshirdi. Bu haqda “Echo.msk.ru” xabar bermoqda.

Shahar ma’muriyatining ma’lumotlariga ko‘ra, uchuvchiga zarar yetmagan, biroq sohilda turgan o‘smir bola kasalxonaga yotqizilgan.

Hodisaning internetda paydo bo‘lgan videoyozuvida samolyotning qiyinchilik bilan qo‘nayotgani, so‘ng uni yo‘ltanlamas mashina suvdan olib chiqayotganini ko‘rish mumkin.

Avvalroq Mayamida boshqa bir reklama samolyoti suvga qulagan edi. Mazkur holatda hech kim jabrlanmagan edi.

Yana bir, nisbatan jiddiyroq aviahalokat Texasda yuz bergan, hodisa natijasida ikki kishi halok bo‘lgani aytilmoqda.