MAGATE rahbari Eron rahbarlari bilan Tehron yadroviy dasturi bo‘yicha bo‘lajak bitimni muhokama qildi

Atom energiyasi bo‘yicha xalqaro agentlik (MAGATE) bosh direktori Yukiya Amano Eron rahbariyati bilan yadroviy dastur bo‘yicha bo‘lajak umumiy bitimga rioya etilishini tekshirish masalalarini muhokama qildi. Bu haqda “RIA Novosti” xabar bermoqda.

MAGATE bayonotida qayd etilishicha, Amano Tehronda Eron prezidenti Hasan Ruhoniy va Milliy xavfsizlik oliy kengashi kotibi Ali Shamxoniy bilan uchrashgan. Bungacha u Venada Eron tashqi ishlar vaziri Muhammad Javod Zarif bilan uchrashgandi.

Amanoning Tehronga tashrifidan ko‘zlangan maqsad “Eron yadroviy dasturi bo‘yicha qolgan barcha masalalarni hal etishni siljitishdan iborat edi”. Muzokaralar davomida Venada “xalqaro vositachilar oltiligi” ishtirokida ishlab chiqilayotgan umumiy harakatlar rejasini tayyorlash jarayoniga ham to‘xtalib o‘tilgan.