Атом энергияси бўйича халқаро агентлик (МАГАТЭ) бош директори Юкия Амано Эрон раҳбарияти билан ядровий дастур бўйича бўлажак умумий битимга риоя этилишини текшириш масалаларини муҳокама қилди. Бу ҳақда «РИА Новости» хабар бермоқда.
МАГАТЭ баёнотида қайд этилишича, Амано Теҳронда Эрон президенти Ҳасан Руҳоний ва Миллий хавфсизлик олий кенгаши котиби Али Шамхоний билан учрашган. Бунгача у Венада Эрон ташқи ишлар вазири Муҳаммад Жавод Зариф билан учрашганди.
Аманонинг Теҳронга ташрифидан кўзланган мақсад «Эрон ядровий дастури бўйича қолган барча масалаларни ҳал этишни силжитишдан иборат эди». Музокаралар давомида Венада «халқаро воситачилар олтилиги» иштирокида ишлаб чиқилаётган умумий ҳаракатлар режасини тайёрлаш жараёнига ҳам тўхталиб ўтилган.
Изоҳ (0)