Noma’lum shaxslar Moskvada o‘zbekistonlik ayolning deyarli 3 million rubllik puli va qimmatbaho buyumlarini tortib oldi, deya xabar bermoqda “TASS” poytaxt huquqni muhofaza qilish organlariga tayanib.
Uch nafar noma’lum shaxs O‘zbekiston fuqarosi tomonidan ijaraga olingan xonadonning eshigini jiringlatib, ichkariga kirgan. Ayolning yuziga musht tushirib, bog‘lab qo‘ygan. Bosqinchilar unga pichoq bilan tahdid qilib, 50 ming rubl, 50 ming dollar puli va zargarlik buyumlarini tortib olgan. Shundan so‘ng ular o‘g‘irlangan buyumlar bilan birga voqea joyidan yashiringan.
Jabrlanuvchi ta’kidlashicha, jami zarar 2,8 million rublni tashkil etgan.
Bosqinchilik holati bo‘yicha jinoyat ishi qo‘zg‘atilib, jinoyatchilarni qidirish boshlandi.
Izoh (0)