Avval xabar qilinganidek, O‘zbekiston Respublikasi Prezidenti Islom Karimov joylarda ijtimoiy-iqtisodiy islohotlarning borishi, amalga oshirilayotgan bunyodkorlik va obodonlashtirish ishlari bilan tanishish maqsadida 30-iyun – 1-iyul kunlari Qashqadaryo viloyatida bo‘ldi. Bu haqda O‘zA xabar bermoqda.
Davlat rahbari Qashqadaryo viloyatiga safarining ikkinchi kuni Kasbi tumanidagi “Kamol Sulton” fermer xo‘jaligi dalasiga tashrif buyurdi.
Prezident Qarshi va Shahrisabz shaharlarida amalga oshirilayotgan ulkan qurilish va obodonlashtirish ishlari “Kecha kim edigu bugun kim bo‘ldik?” degan savolga javob ekanini, ular viloyat qiyofasini o‘zgartirib, aholi farovonligini yanada yuksaltirishga xizmat qilayotganini alohida ta’kidladi.
Prezident fermer va ishchilarning mehnat qilishi hamda dam olishi uchun yaratilgan imkoniyatlar, oilaviy sharoitlari bilan qiziqdi.
Davlat rahbari paxta hosili rivojiga ham ahamiyat qaratdi. Qashqadaryo iqlimi va tuproq sharoitiga mos serhosil navlarni ko‘paytirish zarurligini ta’kidladi.
Islom Karimov Koson tumanidagi “Pudina massivi” fermer xo‘jaligi dalasida ham bo‘ldi.
Izoh (0)