Og‘ir aqliy nuqsonlarga ega bolalar uchun Muruvvat bolalar internat uylarida ijtimoiy faoliyat xodimi, huquqshunos, psixolog, defektolog va tibbiy xodimlar uchun 100 dan ortiq shtat birliklari yaratilmoqda. Bu haqda Mehnat va aholini ijtimoiy himoya qilish vazirligi matbuot xizmati xabar bermoqda.
Ayni paytda vazirlik tomonidan Muruvvat uylarining shtat jadvallari va faoliyati standartlari qayta ko‘rib chiqilmoqda. Malakali defektolog, logoped va psixologlar bolalardagi rivojlanish jadal borishi va ularning hayoti quvonchli bo‘lishi uchun ishlaydi.
Professional ijtimoiy xodimlar esa tarbiyalanuvchilar o‘z qarindoshlari va yaqinlari yoniga, uyiga qaytishi uchun ularning oilalari bilan ishlaydi. Shtatga kiritiladigan huquqshunoslar esa tarbiyalanuvchilarning huquqlari buzilmasligi, ular internat uyidan chiqqanidan so‘ng, mol-mulki va uy-joyi ularni kutib turishini nazorat qiladi.
Izoh (0)