Gollivud aktyorlar Bred Pitt va Anjelina Joli Britaniya shahzodasi Uilyam va uning turmush o‘rtog‘i Ketrinning mehmoni bo‘ldi. Vesti.ru’ning yozishicha, Kensington saroyi ham mazkur uchrashuv 26-iyun kuni bo‘lib o‘tganini tasdiqladi.
“Kembrij gersogi va gersoginyasi juma kuni tushda Kensington saroyida choy ustida Bred Pitt va Anjelina Joli-Pitt bilan suhbat qurdi. Ular o‘zlarini qiziqtirgan brakonyerlikka qarshi kurash masalasini muhokama qildi”, - dedi Uilyam va Ketrinning vakili. Choyxo‘rlik bir necha soat – rejalashtirilganidan ancha uzoq davom etdi.
Aktyorlar Kembrijning kichik shahzodasi Jorjni ham ko‘rib, Uilyam va Keytga yaqin tug‘ilgan ikkinchi farzandlari – malika Sharlotta sharafiga sovg‘a taqdim etdi. Joli va Pittning farzandlari ham Londonga uchib kelgandi, biroq ular qirollik oila a’zolari bilan uchrashmadi.
29-iyun kuni Joli Britaniya tashqi ishlar vazirligi va Millatlar hamdo‘stligi ishlari bo‘yicha vazirlik vakillari bilan tushlik qildi. Bunda BMTning maxsus elchisi hisoblangan aktrisa qurolli nizolar davom etayotgan hududlarda jinsiy zo‘ravonlikka qarshi kurash masalasini muhokama etdi.
Izoh (0)