Yevropa Ittifoqi ma’muriyati osori-atiqalar oldida selfiga tushishni taqiqlash masalasini ko‘rib chiqmoqda, deya xabar bermoqda The Daily Mail.
Gazetaning qayd etishicha, yangi qonun sabab sayohatchilar osori-atiqa va yodgorliklarni suratga olish uchun tegishli ruxsatnoma olishlariga to‘g‘ri kelishi mumkin.
Nashrning aniqlik kiritishicha, diqqat markazda aynan suratlarning o‘zi emas, balki ularning ijtimoiy tarmoqlarda e’lon qilinishi turibdi, chunki aynan shu holat mualliflik huquqining buzilishi deb tan olinishi mumkin.
Qonun suratlardan tijoriy maqsadlarda foydalanishni taqiqlashga qaratiladi, biroq bundan oddiy hordiq chiqaruvchilar ham jabr ko‘rishi mumkin; huquqbuzarlarga nisbatan jarima va qamoq jazolari qo‘llanilishi mumkin.
Tarmoqdagi faollar va fotosuratchilar mazkur qonunchilik tashabbuslariga qarshi chiqmoqda, jumladan, ular orasida Wikipedia onlayn-ensiklopediyasi ham bor.
Izoh (0)