Tayvandagi akvaparkda yuzaga kelgan yong‘in sabablari ma’lum qilindi

Tergovchilar Tayvanning Sinbey shahrida yuzaga kelgan yong‘inning ehtimoliy sabablarini ma’lum qildi, deb xabar beradi The South China Morning Post.

Katta ehtimol bilan tasodifiy uchqun yoki tamaki kuli yong‘inni keltirib chiqargan. Politsiya tadbir tashkilotchisi Lu Chjunszi va ikki texnikka nisbatan jinoiy qo‘zg‘atishni taklif qildi. Texniklardan biri uskunalarga, ikkinchisi esa rangli kukunlarni tarqatishga javob berar edi.

Lu qo‘lga olindi, biroq ma’lum bir vaqt o‘tganidan so‘ng bir million Tayvan dollari (taxminan 32 ming dollar) garov puli evaziga qo‘yib yuborildi. Mahalliy televideniye Lu Chjunszi tizzalab turib olib, jabrlanuvchilardan kechirim so‘rayotgani va barcha mas’uliyatni o‘z bo‘yniga olishini aytayotganini namoyish etdi. Ikki texnik ham har biriga 300 ming Tayvan dollari (taxminan 10 ming AQSh dollari) garov puli to‘langanidan keyin qo‘yib yuborildi.

Ayni vaqtda 519 kishi jabrlangani, ulardan 200 nafari reanimatsiyada yotgani ma’lum. Jabrlanganlardan aksariyatining tanasining 50 foizida kuyish holati kuzatilgan.

Avvalroq Tayvanda joylashgan akvaparkdagi yong‘in 27-iyun kuni mahalliy vaqt bilan 20:30 da, Color Play Asia nomli “ranglar bayrami”ning asosiy sahnasi vaqtida boshlangani xabar berilgandi. Ushbu bayram vaqtida qatnashchilar bir-birlariga turli rangdagi kukunlarni sepadi.