Европа Иттифоқи маъмурияти осори-атиқалар олдида селфига тушишни тақиқлаш масаласини кўриб чиқмоқда, дея хабар бермоқда The Daily Mail.
Газетанинг қайд этишича, янги қонун сабаб саёҳатчилар осори-атиқа ва ёдгорликларни суратга олиш учун тегишли рухсатнома олишларига тўғри келиши мумкин.
Нашрнинг аниқлик киритишича, диққат марказда айнан суратларнинг ўзи эмас, балки уларнинг ижтимоий тармоқларда эълон қилиниши турибди, чунки айнан шу ҳолат муаллифлик ҳуқуқининг бузилиши деб тан олиниши мумкин.
Қонун суратлардан тижорий мақсадларда фойдаланишни тақиқлашга қаратилади, бироқ бундан оддий ҳордиқ чиқарувчилар ҳам жабр кўриши мумкин; ҳуқуқбузарларга нисбатан жарима ва қамоқ жазолари қўлланилиши мумкин.
Тармоқдаги фаоллар ва фотосуратчилар мазкур қонунчилик ташаббусларига қарши чиқмоқда, жумладан, улар орасида Wikipedia онлайн-энциклопедияси ҳам бор.
Изоҳ (0)