Shimoliy Koreya yetakchisi Kim Chen In iyun oyida bir necha bor tadbirlarda Kim Ir Sen va Kim Chen Irning tasviri tushirilgan nishonlarsiz ishtirok etdi. Bu haqda Gazeta.ru xabar bermoqda.
Yaponiyaning NHK telekanali ma’lumotlariga ko‘ra, Kim Chen In 13-iyun kuni Havo hujumidan mudofaa akademiyasiga, 6-iyun kuni ilmiy-tadqiqot institutiga va 25-iyun kuni Pxenyan aeroportiga nishonsiz borgan. Buni tasdiqlovchi fotosuratlar Shimoliy Koreyaning markaziy gazetasida e’lon qilingan.
Qayd etishlaricha, KXDRda barcha amaldorlar mamlakatning avvalgi yetakchilarining suratlari tushirilgan nishonlarni taqib yurishadi. Tahlilchilarning fikricha, Kim Chen Inning nishonni taqmayotgani u otasi va bobosining ta’siridan holi ravishda o‘z hokimiyatini mustahkamlashga qaror qilganidan darak bo‘lishi mumkin.
Izoh (0)