Gretsiyada fuqarolar mamlakat defolt holatiga tushishidan xavotirlanib, bankomatlarni quritmoqda, deya xabar beradi “Exo Moskvi”.
Banklar yonida navbatlar ko‘payib ketdi, kishilar do‘st va qarindoshlariga qo‘ng‘iroq qilib, hisoblaridan pulni tezroq yechib olishni maslahat bermoqda.
Jurnalistlar hisob-kitobiga ko‘ra, so‘nggi ikki haftada greklar banklardan kamida 4 milliard yevro pul olib ketgan.
Gretsiya mudofaa vaziri fuqarolar tashvishlanmasligi kerakligini ma’lum qildi. Uning so‘zlariga ko‘ra, sarosimali mish-mishlar bo‘rttirilmoqda. Banklar yopilmasligi, bankomatlarda pul bo‘lishi ta’kidlanmoqda.
Bu orada Gretsiya muxolifati mamlakat hukumatini iste’foga chiqishga da’vat etmoqda. Gretsiya bosh vaziri Aleksis Sipras esa kelasi yakshanba kuni mamlakatning xalqaro kreditorlari talablari asosida referendum o‘tkazish rejasini e’lon qildi.
Ma’lumot o‘rnida: Defolt — qarz oluvchining qarz olish haqidagi kelishuv shartlarini buzishi, qarz majburiyatlari bo‘yicha to‘lovlarni va boshqa shartlarni bajara olmasligi.
Izoh (0)