Tunisning El-Kef viloyatida harbiy avtomobilning ko‘prikdan o‘tishi vaqtida yo‘lga qo‘yib ketilgan granata portladi. Kommersant.ru’ning xabar berishicha, hozircha qurbonlar yoki jabrlanuvchilar haqida axborot yo‘q.
Eslatib o‘tamiz, 26-iyun kuni jahon bo‘ylab uchta shov-shuvli terakt yuz berdi. Fransiyada siqilgan gaz ishlab chiqarish zavodidagi portlash natijasida bir kishi halok bo‘ldi, yana bir necha kishi jiddiy jabrlandi. Ma’lum bo‘lishicha, avtomobil gaz ballonlari saqlanadiga omborga borib urilgan, korxonaga kirishda esa diniy shiorlar yozilgan bayroq va tanasidan judo qilingan bosh topilgan.
Tunisning Sus shahridagi sohilbo‘yi mehmonxonalariga terrorchilar hujum qildi. Hujum oqibatida 40 kishi halok bo‘lgan, yana o‘nlab odamlar tan jarohati olgandi.
Kuvaytdagi shia masjidida juma namozi vaqtida yuz bergan portlash oqibatida esa 30ga yaqin odam halok bo‘lgan, kamida 200 kishi tan jarohati oldi.
Izoh (0)