Tunisning Sus shahrida qutqaruv xizmati g‘avvoslari dengizdan 26-iyun, juma kuni sayyohlarni otib tashlagan terrorchiga tegishli telefonni topib chiqardi, deya xabar bermoqda “RBK”.
Guvohlar so‘zlariga ko‘ra, terrorchi telefonni dengizga uloqtirib, so‘ng sayyohlarga qarata o‘t ochgan. Sus shahridagi sohilbo‘yida dam olayotgan turistlar o‘q ostida qolgan.
Oxir-oqibat terrorchi politsiyachilar tomonidan otib o‘ldirildi. Bungacha esa u Kalashnikov avtomatidan 40 ga yaqin kishini otib tashlashga ulgurdi.
Hujum uchun javobgarlikni IShID terrorchilik tashkiloti o‘z bo‘yniga oldi.
Izoh (0)