Janubiy qozog‘istonlik erkak cho‘kayotgan “Niva”dan to‘rt ayolni qutqarib qoldi

Qozog‘istonda yo‘l-transport hodisasi guvohiga aylangan erkak o‘z hayotini xavf ostiga qo‘yib, to‘rt nafar ayolni qutqarib qoldi. Bu haqda “RIA Novosti” xabar bermoqda.

Janubiy Qozog‘iston viloyati Ichki ishlar departamenti ma’lumotlariga ko‘ra, G‘azalkent magistral kanaliga ichida 10 kishi bo‘lgan “Niva” avtomobili tushib ketgan.

“Mashina ichidagi olti kishi daryoga cho‘kib ketgan, to‘rt nafar ayolni esa voqea guvohi, mahalliy aholi vakili, 1975 yilda tug‘ilgan Yelmuratov Asilbek o‘z hayotini xavf ostiga qo‘ygan holda qutqarib qolgan. U qutqarib qolgan ayollarning ikki nafari hozirgi vaqtda reanimatsiya bo‘limida, qolgan ikkisi esa uyiga qo‘yib yuborilgan”, - deyiladi IID xabarida.

Qayd etishlaricha, halok bo‘lgan olti kishining jasadi suvdan olib chiqilgan. Yana bir ayolning jasadini esa g‘avvoslar izlashda davom etishmoqda.