Ispaniya huquqni muhofaza qilish organlari Kolumbiyadan AQShga geroin yetkazishda kuchuklardan konteyner sifatida foydalangan veterinarni hibsga oldi. Bu haqda The Local xabar bermoqda.
Kolumbiyada qidiruvga berilgan Andreas Lopes Elorz o‘n yildan beri Ispaniyaning Santa Komba shahrida yashirinib yurgandi. Mahalliy sud uni AQShga ekstraditsiya qilish haqida qaror chiqarganidan so‘ng, u yo‘qolib qolgandi. Oradan bir oy o‘tib uni topishga muvaffaq bo‘lishdi.
“Bu veterinar giyohvand moddalar aylanmasi bilan shug‘ullanuvchi jinoiy to‘da a’zosi bo‘lgan, u kuchuklarning ichiga geroin solingan konteynerlarni o‘rnatib, Kolumbiyadan AQShga jo‘natgan”, - deyiladi politsiya bayonotida.
Kolumbiya politsiyasi 2005-yili Lopes ishlaydigan klinikada tintuv o‘tkazib, ichiga uch kilogramm geroin “solingan” uchta it bolasini topgandi. Bu jonivorlar AQShga jo‘natilishi lozim edi.
Izoh (0)