Shimoliy Koreya, AQSH va uning ittifoqchilari salbiy munosabat bildirsa ham, Yerning sun’iy yo‘ldoshlarini uchirishini ma’lum qildi. Bu haqda “TASS” xabar bermoqda.
KXDR Tashqi ishlar vazirligi vakilining shanba kuni e’lon qilingan bayonotida qayd etilishicha, AQSH “KXDRdan boshqa hamma joyda sun’iy yo‘ldoshlar uchirilishini ma’qullab, ikki xil standart bo‘yicha ishlamoqda”.
Diplomatning qayd etishicha, “Shimoliy Koreya birgina dushman kuchlarning qarshi harakatlari sabab tinchlik maqsadlarida sun’iy yo‘ldoshlarni ishlab chiquvchi va uchiruvchi mamlakat maqomidan, shuningdek, kosmik texnologiyalarni rivojlantirish dasturidan voz kechish niyatida emas”.
Avvalroq KXDR fazoga uchirilayotgan obyektlarni ro‘yxatga olish bo‘yicha konvensiya va Yer atrofidagi makonni tadqiq etish va undan foydalanish faoliyati tamoyillari to‘g‘risidagi shartnomaga qo‘shilishini e’lon qilgandi.
Izoh (0)