Jahon sog‘liqni saqlash tashkiloti ekspertlari Janubiy Koreyada MERS koronavirusi avj olishi “katta va jiddiy” muammo ekanligini hamda kasallanishning yangi holatlari kutilishini tan oldi. Bu haqda JSST va Janubiy Koreya hukumatining koronavirusga qarshi kurash bo‘yicha hamkorlikdagi missiyasi bayonotiga tayanib, Reuters xabar berdi.
Tashkilotdagilar muammoni qisqa muddatda hal qilib bo‘lmasligini e’tirof etdi. Shu bilan birga, ekspertlar kasallanganlar va ular bilan aloqada bo‘lgan shaxslarning mamlakatdan tashqariga chiqishini cheklashga chaqirdi. Ularning aytishicha, karantin samara berishi uchun bir hafta talab etiladi.
Janubiy Koreya sog‘liqni saqlash vazirligi 13-iyun, shanba kuni Yaqin Sharq respirator sindromi koronavirusi bilan kasallanish bo‘yicha 12 ta yangi holat haqida ma’lum qildi. Shu tariqa, kasallanganlarning umumiy soni 138 kishiga yetdi, 14 kishi esa vafot etdi.
Izoh (0)