Qozog‘iston prezidenti Nursulton Nazarboyev tegishli organlarni mamlakat shimoli va g‘arbida sayg‘oqlarning ommaviy qirilishi sababini tushuntirib bera olmayotgani uchun tanqid ostiga oldi. Bu haqda Newskaz.ru xabar bermoqda.
Qozog‘istonda may oyi o‘rtalarida sayg‘oqlar ommaviy qirilishni boshlagandi. 2014-yilda Qozog‘istonda 256,7 ming sayg‘oq bo‘lsa, 2015-yilning may-iyun oylarida 132 ming jonivor qirilib ketdi.
“Turli taxminlar, qarama-qarshi fikrlar o‘rtaga tashlanmoqda. Bu holat esa mazkur yo‘nalishda haqiqiy boshboshdoqlik hukmronligini, tegishli mutaxassislarning mavjud emasligini, ushbu holatga sabab bo‘lgan sabablarni aniqlay bilmaslikni bildiradi”, - dedi Qozog‘iston prezidenti mamlakat xavfsizlik kengashi majlisida.
Nazarboyevning qayd etishicha, hukumat va mahalliy boshqaruv organlari Qozog‘istonning barqaror rivojlanishi bo‘yicha vazifalarni amalga oshirish chog‘ida hayvonot va o‘simlik dunyosining rang-barangligi saqlab qolinishini ta’minlashlari, xususan, bir qator viloyatlarda sayg‘oqlarning ommaviy qirilishi sabablarini aniqlashlari kerak.
Izoh (0)