Nyu-York shtati Klinton okrugidagi qamoqxonadan ikki qotilning qochishi bilan bog‘liq jinoyat ishi bo‘yicha qamoqxonaning 51 yoshli vakilasi Joys Mitchell tergov qilinmoqda. Bu haqda Meduza.io xabar bermoqda.
Taxminlarga ko‘ra, Mitchell qochoqlarni qamoqxona tashqarisida mashinada kutib olishi kerak bo‘lgan, biroq oxirida bu fikridan qaytgan.
Mitchell qamoqxona hududidagi tikuvchilik ustaxonasida tikuvchilik bilan shug‘ullangan. NBC News’ning xabar berishicha, u qochoqlarning biri bilan yaqin munosabatda bo‘lgan. “Ayol buni muhabbat deb o‘ylagan”, - deydi telekanal manbasi.
Mitchellga qarshi bir necha moddalar bo‘yicha ayblov e’lon qilinishi kutilmoqda.
Ikki mahbus - Richard Mett va Devid Suet 6-iyun, shanba kuniga o‘tar kechasi qat’iy tartibdagi qamoqxonadan qochib chiqishga muvaffaq bo‘lishgan.
Izoh (0)