Indoneziya Rossiya va yana 44 ta mamlakat uchun vizasiz rejimni joriy qildi

Indoneziya 45 ta davlat uchun vizani bekor qildi, deya xabar bermoqda “Kommersant”.

“Indoneziya Respublikasining boshqa davlatlar bilan aloqalarini yaxshilash, shuningdek milliy taraqqiyotdagi bosh maqsadlarni ta’minlash uchun prezident Joko Vidodo vizasiz sayohatlar to‘g‘risidagi farmonni imzoladi”, — deyiladi Indoneziya vazirlar mahkamasi rasmiy saytida.

Fuqarolari Indoneziya bilan chegarani qo‘shimcha rasmiyatchiliklarsiz kesib o‘tishi mumkin bo‘lgan davlatlar ro‘yxatiga Rossiya, Vengriya, Xitoy, BAA, Polsha, Koreya Respublikasi, AQSh, Yaponiya va boshqalar kirdi.

Ta’kidlanishicha, ushbu mamlakatlar fuqarolari Indoneziyada safar vaqtini yoki rejimini uzaytirish huquqisiz 30 kun davomida vizasiz turishi mumkin.