Japan Airlines aviakompaniyasining Boeing-737 ekipaji kapitani samolyotning Sapporo aeroportidan havoga ko‘tarilayotgan vaqtida selfi olgani uchun ishdan chetlatildi, deb xabar beradi “RIA Novosti”.
Kiodo axborot agentligi bergan xabarga ko‘ra, Sapporo — Osaka yo‘nalishi bo‘ylab harakatlanayotgan samolyot havoga ko‘tarilganidan 10 daqiqa o‘tgach uchuvchilar kabinasi 47 yoshli kapitan 28 yoshli styuardessa bilan selfiga tushgan.
Unga nisbatan bunday jazo qo‘llanilishining sababi mart oyida Germaniyaning Germanwings aviakompaniyasiga tegishli samolyotning Fransiyaning Alp tog‘larida halokatga uchragani bilan bog‘liq. Olib borilgan tekshiruvlar kabinada nazoratsiz qoldirilgan ikkinchi uchuvchi Andreas Lyubits ataylab havo kemasini yerga yo‘naltirganini ko‘rsatgandi.
Yaponiya transport vazirligi samolyot kapitanining harakati aviatsiya qo‘llanmalari qoidalarini buzish ekanligi haqida Japan Airlines’ni ogohlantirdi. Chunki ikkinchi uchuvchi yo‘q vaqtida o‘zini suratga olgan kapitan uchishni nazorat qilishdan chalg‘igan.
Izoh (0)