Germaniya bosh prokuraturasi Amerika maxsus xizmatlari tomonidan Germaniya kansleri Angela Merkelning telefon suhbatlari tinglangani bo‘yicha ishni yopdi, deb xabar qiladi “RBK”.
Tergovchilar sudga taqdim etish uchun yetarlicha dalil yig‘a olmadi.
2013-yilning oktabrida Angela Merkelning telefon qo‘ng‘iroqlari Amerika maxsus xizmati tomonidan eshitilgan bo‘lishi mumkinligi haqida xabarlar paydo bo‘lgandi. O‘shanda chop qilingan hujjatlarga ko‘ra, Merkelning qo‘l telefoni 2002-yildan 2013-yilgacha AQSh milliy xavfsizlik agentligi tomonidan tinglangan. Eshitish qurilmalari esa Amerika elchixonasiga o‘rnatilgani yozilgandi.
GFR kansleri Angela Merkel AQSh prezidenti Barak Obamaga “do‘stlar ortidan ayg‘oqchilik qilish yaxshi emasligi”ni tushuntirib qo‘ygan. Obama esa o‘z navbatida bu xabarlarni rad etgan.
Izoh (0)