11-iyun kuni “Bunyodkor” stadionida O‘zbekiston hamda Eron milliy terma jamoalari o‘zaro o‘rtoqlik o‘yinida maydonga tushadi, deb xabar beradi “Championat.asia”.
O‘zbekiston terma jamoasi sardori Server Jeparov K-liga 14-turida “Busan”ga qarshi kechgan bahsning 49-daqiqasida oyog‘idan jarohat olib, almashtirilgan edi. Olingan ma’lumotlarga ko‘ra, Jeparov forslar bilan o‘yinni o‘tkazib yuboradi. U ayni paytda Toshkentda bo‘lib turibdi. Terma jamoa shifokorlari Serverni 2018-yil Rossiyada bo‘lib o‘tadigan jahon chempionati saralash bahslaridan o‘rin olgan KXDRga qarshi o‘yinga qadar safga qaytarmoqchi.
Eslatib o‘tamiz, Shimoliy Koreya bilan o‘yin 16-iyun kuni safarda o‘tkaziladi.
Izoh (0)