Toshkent shahri yana bir nufuzli musobaqaga mezbonlik qilyapti. Bir hafta mobaynida “O‘zbekiston” sport majmuasi boks ishqibozlari bilan gavjum bo‘ladi. Aniqrog‘i, 14-iyunga qadar o‘smirlar o‘rtasidagi qit’a birinchiligi aynan Toshkentda bo‘lib o‘tadi, deb xabar beradi “Olamsport.com”.
Toshkentga Osiyo chempionati mezbonligini berish bo‘yicha qaror Olma-Ota shahrida o‘tkazilgan Osiyo boks konfederatsiyasining Bosh Assambleyasida qabul qilingan edi. Qit’a chempionatida 1999—2000-yilda tug‘ilgan bokschilar 13 ta vazn toifasida bahslarga kirishdi.
Osiyo chempionatida o‘zbekistonlik charm qo‘lqop ustalaridan tashqari, Eron, Iordaniya, Qozog‘iston, Janubiy Koreya, Mo‘g‘uliston, Birlashgan Arab Amirliklari, Pokiston, Tailand, Fillipin, Yaponiya kabi 20 ga yaqin davlatdan jami 116 nafar bokschi ishtirok etyapti.
Izoh (0)