FIFAning audit bo‘yicha komissiyasi raisi Domeniko Skalaning ma’lum qilishicha, agar futbol bo‘yicha jahon chempionati mezbonligini qo‘lga kiritish vaqtida Rossiya va Qatar tomonidan jiddiy qoidabuzarliklar yo‘l qo‘yilgani aniqlansa, u holda JCh-2018 va JCh-2022 mezbonligi boshqa mamlakatlarga topshirilishi mumkin. Bu haqda Gazeta.ru xabar bermoqda.
“Agar Qatar va Rossiya futbol bo‘yicha jahon chempionati mezbonligini ovozlarni sotib olish orqali qo‘lga kiritgani isbotlansa, u holda jahon birinchiligi mezbonlarini aniqlash bo‘yicha ovoz berishlar natijasi haqiqiy emas, deb topiladi”, - dedi Skala.
Avvalroq AQSh Federal tergov byurosi Rossiya va Qatarning mos ravishda JCh-2018 va JCh-2022 mezboni etib tanlanishi yuzasidan tergov harakatlarini olib borishi haqida xabar berilgan edi.
2-iyun kuni FIFA rahbari Yozef Blatter o‘z lavozimini tark etishini e’lon qildi. Skala FIFAning yangi prezidenti saylovi ustidan nazorat o‘rnatadi.
Izoh (0)