Тошкент шаҳри яна бир нуфузли мусобақага мезбонлик қиляпти. Бир ҳафта мобайнида «Ўзбекистон» спорт мажмуаси бокс ишқибозлари билан гавжум бўлади. Аниқроғи, 14 июнга қадар ўсмирлар ўртасидаги қитъа биринчилиги айнан Тошкентда бўлиб ўтади, деб хабар беради «Olamsport.com».
Тошкентга Осиё чемпионати мезбонлигини бериш бўйича қарор Олма-Ота шаҳрида ўтказилган Осиё бокс конфедерациясининг Бош Ассамблеясида қабул қилинган эди. Қитъа чемпионатида 1999—2000 йилда туғилган боксчилар 13 та вазн тоифасида баҳсларга киришди.
Осиё чемпионатида ўзбекистонлик чарм қўлқоп усталаридан ташқари, Эрон, Иордания, Қозоғистон, Жанубий Корея, Мўғулистон, Бирлашган Араб Амирликлари, Покистон, Таиланд, Филлипин, Япония каби 20 га яқин давлатдан жами 116 нафар боксчи иштирок этяпти.
Изоҳ (0)