Saudiya Arabistonidan kelgan ziyoratchilar Eronda pestitsidlardan zaharlanib vafot etdi. Segodnya.ua’ning xabar berishicha, hodisa Mashhaddagi mehmonxonalardan birida yuz bergan.
Saudiyalik taqvodorlar shialarning Erondagi eng asosiy muqaddas qadamjosi – imom Rizo maqbarasini ziyorat qilish uchun kelishgan edi.
Ko‘p o‘tmay barcha ziyoratchilar o‘zini yomon his qila boshlagan, ulardan to‘rt nafari vafot etgan, 29 nafari esa kuchli zaharlanish tashxisi bilan kasalxonaga joylashtirilgan.
Jabrlanuvchilarga yordam ko‘rsatilmoqda. Eron oziq-ovqat va dori vositalari davlat tashkilotidan ma’lum qilishlaricha, “saudiyalik ziyoratchilar Eronda foydalanilishi taqiqlangan pestitsidlardan zaharlangan”.
Qayd etishlaricha, bu zaharli moddalarni ziyoratchilar mehmonxonadagi taomlar orqali qabul qilishgan.
Izoh (0)