Eronda taqiqlangan spirtli ichimliklar iste’moli o‘sib borayotganligi tufayli hukumat 150 ta hushyorxona ochadi, deb xabar beradi “RIA Novosti”.
Tehronda birinchi hushyorxona 2013-yil oxirida ochilgandi. Eron sog‘liqni saqlash vazirligi shifokori Alireza Ro‘zani bunday markazlardan 150 tasi 2016-yil martigacha ochilishini ma’lum qildi.
Rasmiy ma’lumotlarga ko‘ra, 78 million aholiga ega mamlakatda 200 ming kishi alkogolizm bilan kasallangan. Ekspertlarning fikricha, bir milliondan ortiq eronlik muntazam alkogol iste’mol qiladi.
Eronda 1979-yilda yuz bergan islom inqilobidan so‘ng, alkogol iste’moli darhol taqiqlangandi. Bu yerda iste’mol qilinadigan spirtli ichimliklarning katta qismi Turkiya va Kurdistondan kontrabanda orqali kirib keladi. Kamdan-kam hollarda alkogol xonaki usulda tayyorlanadi.
Izoh (0)