Birlashgan Arab Amirliklari prezidenti shayx Xalifa bin Zaid Al Nahayanning xayriya tashkiloti Ramazon oyida ikki million porsiya taomni bepul tarqatadi, deya xabar bermoqda “RIA Novosti”.
Mamlakatda 105 ta tekin ovqatlanish punktlari tashkil qilinadi, u yerga ro‘za vaqti tugagach, istalgan kishilar kirishi mumkin bo‘ladi. Shuningdek qadoqlangan yeguliklar chet elga gumanitar yordam sifatida jo‘natiladi.
Ushbu loyiha shayx Xalifaning xayriya tashkiloti tomonidan ketma-ket sakkiz yildan buyon amalga oshirilmoqda. Bu yil tarqatiladigan taomlarning barchasi BAA tub aholisining 600 ta oilasida pishiriladi.
Izoh (0)