Kamboja xalq partiyasi raisi va mamlakat senati spikeri Chea Sim 83 yoshida vafot etdi. Bu haqda, Phnom Penh Post’ga asoslanib, “RIA Novosti” xabar bermoqda.
Xabar berishlaricha, siyosiy arbobning vafotidan so‘ng, Kamboja bosh vaziri Xun Sen va hukmron partiyaning boshqa mansabdorlari Chea Simning uyida yig‘ilib, unga izzat-ikrom ko‘rsatishgan.
Chea Sim so‘nggi yillarda partiya raisi lavozimida ish olib borgan bo‘lsa-da, partiyadagi o‘rni katta emasdi, u asosiy e’tiborni senatdagi faoliyatiga qaratib, davolanish uchun tez-tez Vyetnamga borib turardi.
Siyosiy faoliyatini 1950-yillar boshida Hindixitoy kompartiyasida boshlagan Chea Sim Kambojada Pol Pot boshliq “qizil kxmerlar” tuzumi ag‘darib tashlanganidan so‘ng, Kamboja ichki ishlar vaziri, keyinroq parlament raisi va hukmron Xalq partiyasi raisi etib saylangan edi.
Kambojada monarxiya tuzumi qayta tiklanganidan so‘ng Chea Sim, Xun Sen kabi, “samdet” (shahzoda) unvoni bilan taqdirlangan edi.
Izoh (0)