Navoiy viloyati Tomdi tumaniga qarashli “Jana-sharua” shirkat xo‘jaligida 2011—2013-yillarda bosh cho‘pon bo‘lib ishlagan shaxs o‘z manfaati yo‘lida hech narsadan tap tortmaydigan, ertasini o‘ylamaydiganlar toifasidan bo‘lib chiqdi, deb xabar qiladi “Huquq” gazetasi.
U o‘ziga ishonib topshirilgan 443 bosh mayda va yirik shoxli chorva mollarini o‘zlashtirish va rastrata qilish yo‘li bilan talon-taroj qilib, juda ko‘p miqdorda zarar yetkazib kelgan. Bundan tashqari, bosh cho‘pon shirkat xo‘jaligidagi chorva mollarining butligi yuzasidan tuziladigan dalolatnomalarga soxta yozuvlar va ma’lumotlar kiritib kelganligi ham ayon bo‘ldi. Buning natijasida shirkat xo‘jaligiga jami 57 million 610 ming so‘mlik zarar yetkazilganligi o‘z isbotini topdi.
Qonunbuzar cho‘ponga nisbatan qo‘zg‘atilgan jinoyat ishi sud tomonidan atroflicha ko‘rib chiqilib, jazo muqarrarligi ta’minlandi. Yetkazilgan zarar esa to‘liq undirib olindi.
Izoh (0)