2015-yilning 4-iyun kuni O‘zbekiston Respublikasi tashqi ishlar Vaziri Abdulaziz Kamilov AQSh savdo Vazirining global bozorlar bo‘yicha yordamchisi Arun Madhavan Kumarni qabul qildi. Bu haqda O‘zbekiston Respublikasi tashqi ishlar vazirligi rasmiy sayti xabar bermoqda.
Uchrashuvda O‘zbekiston—Amerika kun tartibining asosiy masalalari, avvalo savdo-iqtisodiy va investitsiya sohalarida hamkorlikni rivojlantirish istiqbollari yuzasidan fikr almashildi.
AQSh savdo vaziri O‘zbekiston Respublikasi Hukumatida, Tashqi iqtisodiy aloqalar, investitsiya va savdo vazirligida, Savdo-sanoat palatasidagi uchrashuv va muzokaralardan olgan taassurotlarini so‘zlab berdi. Suhbat chog‘ida biznes aloqalarini o‘rnatish maqsadida O‘zbekistonga kelgan AQSh ishbilarmonlar doiralari vakillari ishtirokida Toshkent shahrida bo‘lib o‘tadigan davra suhbatiga tayyorgarlik to‘g‘risida ham ma’lumot berildi.
Shuningdek, navbatdagi ikki tomonlama tadbirlarni o‘tkazish bo‘yicha takliflar ko‘rib chiqildi.
Uchrashuvda AQSh Elchisi Pamela Leora Spratlin ham ishtirok etdi.
Izoh (0)