Isroilning Shekarchi kompaniyasi rahbari Gedalya Aloni 5-iyun kuni O‘zbekistonga tashrif buyuradi, deya xabar bermoqda UzDaily O‘zbekiston Savdo-sanoat palatasiga tayanib.
Shekarchi kompaniyasi Isroilda yong‘oqlarni qayta ishlash va shu bilan bog‘liq mahsulotlarni ishlab chiqarish bo‘yicha yetakchi hisoblanadi. Kompaniya yeryong‘oqni tozalash va qayta ishlash hamda yong‘oq va bodomdan mahsulotlar ishlab chiqarish bo‘yicha ikkita zavodga egalik qiladi.
Shekarchi’ning mahsulotlari Nestle va Unilever kabi yirik kompaniyalarga yetkazib beriladi.
5-iyun kuni “TexnoPlaza” biznes markazida Gedalya Aloni taqdimot o‘tkazib, Isroildagi quruq mevalar bozori haqida gapirib beradi, shuningdek marketing, mahsulotlarni reklama qilish va tovar sotish uchun yangi bozorlarni ochish kabi masalalarni yoritadi.
Izoh (0)