Toshkentning Sergeli tumanidagi Shukur Burhonov nomidagi mahalla xonadonlari soni oltmish to‘rttaga ko‘paydi. Bu yerda ikkita to‘rt qavatli “Kamolot” uylari foydalanishga topshirildi, deb xabar qiladi “O‘zA”.
Mazkur uylarda yosh oilalar uchun yaratilgan qulayliklar zamonaviy shaharsozlik va binokorlik talablariga to‘la javob beradi. Tabiiy iqlim sharoitini hisobga olgan holda qisqa muddatda bunyod etilgan uylar qurilishida O‘zbekistonda ishlab chiqarilgan qurilish materiallaridan foydalanilgani hamda maishiy elektr texnika vositalari bilan jihozlangani e’tiborga loyiqdir.
Hovlida bolalar maydonchasi, avtomashinalar uchun alohida to‘xtash joyi barpo etilgan.
Ikki va uch xonali uylarda har bir oilaga alohida isitish tizimi o‘rnatilgan. Yo‘laklar kiraverishida bolalar aravachalari uchun maxsus joylar qurilgan.
Izoh (0)