O‘zbekiston Respublikasi Prezidenti Islom Karimov 2-iyun kuni Oqsaroyda O‘zbekistonga rasmiy tashrif bilan kelgan Turkmaniston Vazirlar Mahkamasi Raisining o‘rinbosari, tashqi ishlar vaziri Rashid Meredovni qabul qildi. Bu haqda O‘zA xabar bermoqda.
Suhbat chog‘ida O‘zbekiston bilan Turkmaniston o‘rtasidagi serqirra munosabatlar bugun izchil rivojlanayotgani, bu hamkorlik barqarorligi va samaradorligi bilan muhim ahamiyatga ega ekani ta’kidlandi.
Xabarda aytilishicha, o‘zaro tovar ayirboshlash hajmi jadal o‘sib bormoqda. 2014-yil yakunlariga ko‘ra, bu boradagi ko‘rsatkich 410 million AQSh dollaridan oshdi, o‘sish sur’ati 16,6 foizni tashkil etdi.
Ikki mamlakat qator global va mintaqaviy tuzilmalar doirasida xalqaro maydonda ham faol hamkorlik qilib kelmoqda.
Uchrashuvda tomonlarni qiziqtirgan xalqaro va mintaqaviy ahamiyatga molik boshqa masalalar yuzasidan ham atroflicha fikr almashildi.
Izoh (0)