Buxoroda tatar-boshqirdlarning an’anaviy “Sabanto‘y” bayrami bo‘lib o‘tadi, deya xabar bermoqda “Vostochniy ekspress”. Bayram 5-iyun kuni Ko‘kaldosh madrasasida o‘tkaziladi.
“Sabanto‘y” mehmonlari uchun Tatariston Respublikasida xizmat ko‘rsatgan artistlar tomosha ko‘rsatadi. Shuningdek, bayramdan tatar xalq o‘yinlari, pazandalik ko‘rgazmasi, tatar-boshqird madaniyat markazi faollari va Buxoro ijodiy guruhlarining chiqishlari o‘rin oladi.
Buxoro viloyati tumanlarida yashovchi tatar-boshqirdlar bayramda qatnashishi uchun hokimiyatlar transport tashkil qiladi, u ularni Buxoro shahriga olib borib, yana qaytarib olib keladi.
Izoh (0)