Maktab o‘quvchilari o‘rtasida 2014—2015-o‘quv yilida “Umid nihollari” sport musobaqalari avvalgi musobaqalardan farqli ravishda sportning 17 ta turi bo‘yicha bo‘lib o‘tdi, deb xabar qiladi Xalq ta’limi vazirligi.
2014 yil sentyabr – noyabr oylarida va 2015 yil yanvar oyida o‘tkazilgan musobaqalarning maktab va tuman bosqichlarida jami 4 milliondan ortiq maktab o‘quvchilari ishtirok etdi (shundan 1,8 million nafari — 44% qizlar). Bu musobaqa tarixidagi eng yuqori ko‘rsatkichdir.
Musobaqaning viloyat bosqichi o‘quvchilarning bahorgi ta’til vaqti 20—31-mart kunlari o‘tkazildi. Unda tuman bosqichida g‘olib deb topilgan 24,7 ming nafar o‘quvchilar ishtirok etdi (8,3 ming nafari — 33,5% qizlar).
Sportning jamoaviy o‘yin turlari (futbol, voleybol, basketbol, gandbol) va boks bo‘yicha mintaqaviy saralash musobaqalari joriy yilning 13—25-aprel kunlari 5 ta hududga bo‘lingan holda o‘tkazildi.
“Umid nihollari — 2015” sport musobaqalarining final bosqichi Qoraqalpog‘iston Respublikasi, Toshkent shahri va barcha viloyatlarda o‘tkaziladi.
“Umid nihollari — 2015” sport musobaqalarining yakunlariga bag‘ishlangan tadbirlar “Yoshlik va sport bayrami” sifatida respublikaning 14 ta hududi markazlarida “Umid nihollari” sport musobaqalaridan olimpiada marralari sari!” shiori ostida shu yilning 26-may kuni Buxoro, Surxondaryo viloyatlari va Toshkent shahrida, 27-mayda Jizzax, Qashqadaryo, Navoiy, Namangan viloyatlari va Qoraqalpog‘iston Respublikasida, 29-mayda Farg‘ona viloyatida, 30-mayda Toshkent va Xorazm viloyatlarida bo‘lib o‘tadi.
Tadbirlar davomida “Umid nihollari” musobaqalarining viloyat bosqichlarida yuqori o‘rinlarni egallagan jami 1 792 nafar (shundan 602 nafari — 33,5% qizlar) o‘quvchilarga qimmatbaho esdalik sovg‘alari taqdim etiladi.
Hududiy jamoalarga 1 tadan Damas rusumli avtomashina, 14 tadan Artel televizori, “Norin” velosipedi, sport formalari va sumkalari hamda 128 tadan sertifikat va “Umid nihollari — 2015” medali taqdim etiladi.
Izoh (0)