Jasur Abduraimov boshchiligidagi 1997 yilda tavallud topgan futbolchilardan iborat O‘zbekiston yoshlar terma jamoasining navbatdagi yig‘ini “JAR” stadionida boshlandi, deb xabar qiladi “Championat.asia”.
Manba olgan ma’lumotlarga ko‘ra, bir necha yildan beri Kataloniya chempionatida to‘p tepib, o‘z gollari bilan muxlislar olqishiga sazovor bo‘lib kelayotgan Sardor Yusupov ham yig‘inda qatnashish uchun Toshkentga yetib kelgan.
“Paxtakor” akademiyasi tarbiyalanuvchisi bo‘lgan Sardor yarim himoyachi bo‘lishiga qaramay, Kataloniya chempionatida to‘purarlardan biri bo‘lib turibdi.
Eslatib o‘tamiz, O‘zbekiston U-19 terma jamoasi Toshkentdagi yig‘in doirasida BAAga qarshi ikkita o‘yin o‘tkazadi.
Izoh (0)