Fransiya poytaxti Parij shahrida tennis bo‘yicha “Katta Dubulg‘a” turkumiga kiruvchi, yilning to‘rtta yirik turniridan ikkinchisi hisoblangan “Rolan Garros” musobaqasining asosiy to‘r bahslari davom etmoqda, deb xabar qiladi “Olamsport.com”.
Mukofot jamg‘armasi 28 million yevroni tashkil etuvchi Fransiya Ochiq chempionatining asosiy to‘r yakkalik bahslariida o‘zbekistonlik tennischi Denis Istominning mag‘lubiyatga uchragani haqida xabar bergan edik.
26-may kuni Istomin “Rolan Garros”ning juftliklar musobaqasida o‘z imkoniyatini sinab ko‘rdi. Istomin qozog‘istonlik Andrey Golubev bilan birga ilk davrada yana bir qozog‘istonlik tennischi Mixail Kukushkin va shvetsiyalik Yuxan Brunstryomga qarshi kortga chiqdi. Uchrashuvda Istomin va Golubev raqiblarini 7:6, 6:4 hisobida taslim etdi.
Izoh (0)