Мактаб ўқувчилари ўртасида 2014—2015-ўқув йилида «Умид ниҳоллари» спорт мусобақалари аввалги мусобақалардан фарқли равишда спортнинг 17 та тури бўйича бўлиб ўтди, деб хабар қилади Халқ таълими вазирлиги.
2014 йил сентябр – ноябрь ойларида ва 2015 йил январь ойида ўтказилган мусобақаларнинг мактаб ва туман босқичларида жами 4 миллиондан ортиқ мактаб ўқувчилари иштирок этди (шундан 1,8 миллион нафари — 44% қизлар). Бу мусобақа тарихидаги энг юқори кўрсаткичдир.
Мусобақанинг вилоят босқичи ўқувчиларнинг баҳорги таътил вақти 20—31 март кунлари ўтказилди. Унда туман босқичида ғолиб деб топилган 24,7 минг нафар ўқувчилар иштирок этди (8,3 минг нафари — 33,5% қизлар).
Спортнинг жамоавий ўйин турлари (футбол, волейбол, баскетбол, гандбол) ва бокс бўйича минтақавий саралаш мусобақалари жорий йилнинг 13—25 апрель кунлари 5 та ҳудудга бўлинган ҳолда ўтказилди.
«Умид ниҳоллари — 2015» спорт мусобақаларининг финал босқичи Қорақалпоғистон Республикаси, Тошкент шаҳри ва барча вилоятларда ўтказилади.
«Умид ниҳоллари — 2015» спорт мусобақаларининг якунларига бағишланган тадбирлар «Ёшлик ва спорт байрами» сифатида республиканинг 14 та ҳудуди марказларида «Умид ниҳоллари» спорт мусобақаларидан олимпиада марралари сари!» шиори остида шу йилнинг 26 май куни Бухоро, Сурхондарё вилоятлари ва Тошкент шаҳрида, 27 майда Жиззах, Қашқадарё, Навоий, Наманган вилоятлари ва Қорақалпоғистон Республикасида, 29 майда Фарғона вилоятида, 30 майда Тошкент ва Хоразм вилоятларида бўлиб ўтади.
Тадбирлар давомида «Умид ниҳоллари» мусобақаларининг вилоят босқичларида юқори ўринларни эгаллаган жами 1 792 нафар (шундан 602 нафари — 33,5% қизлар) ўқувчиларга қимматбаҳо эсдалик совғалари тақдим этилади.
Ҳудудий жамоаларга 1 тадан Damas русумли автомашина, 14 тадан Artel телевизори, «Норин» велосипеди, спорт формалари ва сумкалари ҳамда 128 тадан сертификат ва «Умид ниҳоллари — 2015» медали тақдим этилади.
Изоҳ (0)