O‘zbek Milliy akademik drama teatrida “Muzey – xalq tarixining ko‘zgusi” ko‘rik-tanlovi g‘oliblarni tantanali taqdirlash marosimi o‘tkazildi, deya xabar bermoqda Madaniyat va sport ishlari vazirligi matbuot xizmati.
U “O‘zbekmuzey” jamg‘armasi, Kasaba uyushmalari Federatsiyasi Kengashi, O‘zbekiston Fanlar akademiyasi hamkorligida muzeyshunoslik sohasida yutuqqa erishgan soha vakillarini qo‘llab-quvvatlash maqsadida tashkil etildi.
Mazkur tanlovga respublikada faoliyat yuritayotgan muzeylardan 50 dan ziyod hujjatlar taqdim etildi. Ko‘rik-tanlovning talabi doirasida taqdim etilgan hujjatlar nufuzli Hakamlar hay’ati tomonidan o‘rganib chiqilib, eng munosiblari nominatsiyalar bo‘yicha g‘olib deb topildi.
Xususan, “Yilning eng yaxshi muzeyi” nominatsiyasida Qoraqalpog‘iston Respublikasi Savitskiy nomidagi davlat san’at muzeyi g‘olib bo‘ldi. Toshkent shahridagi Abdulla Qahhor uy muzeyiga esa “Yilning eng yaxshi uy-muzeyi” yo‘nalishida teng keladigani topilmadi. Shuningdek, “Yilning eng faol muzey rahbari” nominatsiyasida O‘zbekiston tarixi davlat muzeyi direktori Ismoilova Jannat Hamidovna taqdirlandi.
Izoh (0)