Toshkentda zilzila kuzatildi

Toshkentda ertalab taxminan 8:33 da kuchli bo‘lmagan zilzila kuzatildi.

Yevropa—O‘rtayer dengizi seysmologiya markazi xabariga ko‘ra, 5,5 magnitudali zilzila Tojikiston hududida sodir bo‘lgan. Yer silkinishi epitsentri Dushanbedan 123 km sharqda 10 km chuqurlikda joylashdi.

Zilzila paytida nima qilish kerak?

• Bino ichida bo‘lsangiz, stol yoki stul tagiga kirib oling. Shu yo‘l bilan tepadan qulashi mumkin bo‘lgan narsalardan (masalan, devor parchasidan) himoyalanasiz;
• Eshik tagida (eshik joylashgan oraliqda) turib oling. Ular binoning boshqa qismlariga qaraganda mustahkamroq bo‘ladi;
• Agar tashqarida bo‘lsangiz, bino, daraxt, suv yoki elektr simlariga yaqin bormang. Elektr uzatkichlari suvga qulashi natijasida unga yaqin turganlar uchun o‘ta xavfli vaziyatni yuzaga keltirishi mumkin;

• Mashinada bo‘lsangiz, mashina ichidan chiqmang. Lekin u bino, devor yoki boshqa qulashi mumkin bo‘lgan obyekt yaqinida turgan bo‘lsa, tashqariga chiqib, avtomobilingiz yonida cho‘kkalab turing.
• Zilzila to‘xtaganidan keyin ham xavfsiz joydan chiqmasdan, biroz kutib turing. (Manba: wikihow.com)