Ўзбек Миллий академик драма театрида «Музей – халқ тарихининг кўзгуси» кўрик-танлови ғолибларни тантанали тақдирлаш маросими ўтказилди, дея хабар бермоқда Маданият ва спорт ишлари вазирлиги матбуот хизмати.
У «Ўзбекмузей» жамғармаси, Касаба уюшмалари Федерацияси Кенгаши, Ўзбекистон Фанлар академияси ҳамкорлигида музейшунослик соҳасида ютуққа эришган соҳа вакилларини қўллаб-қувватлаш мақсадида ташкил этилди.
Мазкур танловга республикада фаолият юритаётган музейлардан 50 дан зиёд ҳужжатлар тақдим этилди. Кўрик-танловнинг талаби доирасида тақдим этилган ҳужжатлар нуфузли Ҳакамлар ҳайъати томонидан ўрганиб чиқилиб, энг муносиблари номинациялар бўйича ғолиб деб топилди.
Хусусан, «Йилнинг энг яхши музейи» номинациясида Қорақалпоғистон Республикаси Савицкий номидаги давлат санъат музейи ғолиб бўлди. Тошкент шаҳридаги Абдулла Қаҳҳор уй музейига эса «Йилнинг энг яхши уй-музейи» йўналишида тенг келадигани топилмади. Шунингдек, «Йилнинг энг фаол музей раҳбари» номинациясида Ўзбекистон тарихи давлат музейи директори Исмоилова Жаннат Ҳамидовна тақдирланди.
Изоҳ (0)