Tergov Nemsov qarindoshlarining Qodirovni so‘roq qilish talabini rad etdi

Tergov Checheniston rahbari Ramzan Qodirovni Boris Nemsovning o‘ldirib ketilishi haqidagi ish bo‘yicha so‘roq qilishdan bosh tortdi, deya xabar bermoqda Interfax muxolifatchi Vadim Proxorov oilasining advokatiga tayanib.

Uning aytishicha, shunga qaramay, Rossiya Tergov qo‘mitasi Chechenistonning “Sever” batalyoni sobiq ofitseri Ruslan Germeyevni so‘roq qilishga rozi bo‘ldi.

Eslatib o‘tamiz, aprel oyida Boris Nemsov hamda uning farzandlarining advokatlari Rossiya Tergov qo‘mitasi raisi huzuridagi alohida muhim ishlar bo‘yicha bosh tergovchi Igor Krasnovga murojaat qilib, Chechenistonning bir qator yuqori lavozimli mansabdorlari, jumladan Ramzan Qodirovni “qotillikni tashkillashtirishga aloqadorlik” bo‘yicha so‘roq qilishni talab qilgan edi.

Qodirov va Geremeyevdan tashqari, ular Davlat dumasi deputati Adam Delimxonov, “Sever” batalyoni qo‘mondoni Alibek Delimxonov va Chechenistondan Federatsiya Kengashi a’zosi Sulaymon Geremeyevning ko‘rsatmalarini olishni istagan edi.