Fransiyada bo‘lib o‘tadigan futbol bo‘yicha 2016-yilgi Yevropa chempionati tashkiliy qo‘mitasi Yevropa futbol assotsiatsiyalari ittifoqi (UEFA) bilan hamkorlikda chiptalarni qo‘ldan qo‘lga sotish bo‘yicha ilk rasmiy kanalni ishga tushiradi. Bu haqda Agence France-Presse xabar bermoqda.
Amaldorning so‘zlariga ko‘ra, chiptalarni qo‘ldan qo‘lga sotish bo‘yicha rasmiy platforma 2016-yilning mart-aprel oylarida ishga tushadi. Kimdir oldindan o‘yinlarga chipta sotib olib, biroq biror sabab bilan o‘yinga borolmaydigan bo‘lib qolsa, ularni internet orqali qonuniy ravishda sotishi mumkin bo‘ladi.
Yevro-2016 chiptalari narxi 25 yevrodan boshlanib, eng qimmati 895 yevrogacha yetadi. Tashkilotchilar chiptalarni to‘rt toifa bo‘yicha sotishadi. Guruh bosqichi o‘yinlari chiptalari narxi 25-145 yevro oralig‘ida, yarim final chiptalari 65-495 yevrodan, final chiptalari 85-895 yevrodan, ochilish uchrashuvi chiptalari esa 75-595 yevrodan sotiladi. Savdolarning ilk bosqichi 2015 yil 10 iyun kuni start oladi.
Fransiya o‘z tarixida uchinchi marta futbol bo‘yicha Yevropa chempionatini qabul qiladi. Musobaqa 2016-yilning 10-iyun – 10-iyul kunlari bo‘lib o‘tadi.
Izoh (0)